Sarawak Expose: Tu meh kebuah Mawan keran amat ka bediri ba P.205 - YB Ali Biju

Dikeranjai: Raban Ngiga Insur | ngigainsur@googlemail.com

Abis meh menua kitai Saratok din di gasak ka seduai iya menyanak tu ila, kenu ko YB Ali Biju ba facebook ia empu.

Pemuas bala kami online ngiga info sereta berita senentang menua kitai di Sarawak. Lalu kami bisi tetemuka siti Surat SURUHANJAYA SYARIKAT MALAYSIA ti dipost tauka dibantaika YB Ali Biju.

Tu meh salah siti surat rasmi ia ti dibantaika YB Ali Biju facebook. (Gambar ari kiba)

Lalu diak ia madahka senentang enggau nama kompeni ti bernama Semangat Progresif Sdn Bhd. Kompeni nya meh diempu YB William Mawan ianya  (Barbara Anak William)

Kelimpah ari nya, kompeni nya mega bisi ngembuan share penyampau RM800, 000

Sida tu meh ti deka nyadi Lanun nerumpak menua kitai Saratok! Ditandu ia baru.

Ba gambar siti dak agi ia ti diambi kami ba facebook ia nya:

Company Semangat Progresif (M) Sdn Bhd, dikena Barbara anak William minta lesen ari Jabatan Hutan ngambi kayu balak ari menua baka ke ba gambar diatas.

Tu meh kebuah Mawan keran amat ka bediri ba P.205 Saratok laban iya endang sigi bisi "Juluk Ati"
Abis meh menua kitai Saratok din di gasak ka seduai iya menyanak tu ila
Nya alai bala kitai Saratok anang sesekali ka di kemeli ka urang kampar tu!! - YB Ali Biju

Nama runding udah meda surat enggau nama list tanah?. Sinu ku ngenang bala kitai iban, udah gak kitai dikumbai orang kampar. Ambis reta, tanah enggau kayu kitai diambi bala sida. Tak nako-nako ia meh bansa kitai diperinsa tauka kemulaka bala keduak ti deka beambi ulih ari kaban-belayan diri empu.

Tinggal berapa agi deka ngundi, aku arapka bala kitai iban sama bela betesau, angkat nurun sereta ngundi memagang. Pama sida meri utai tau diambi aja laban nya nang sigi ungkup nuan. Tang maya nyunting undi, berunding meh memanah.. Anang ngundi parti ti udu bejual tauka ngerampas tanah kitai agi. Badu agi kitai dikemelik tauka dibeli sida agi.